बेपत्ता पल्लवीचा मृतदेह विहिरीत आढळला..

बेपत्ता पल्लवीचा मृतदेह विहिरीत आढळला

देवळा तालुक्यातील खडकतळे येथील घटना

देवळा प्रतिनिधी प्रवीण आहेर : तालुक्यातील खडकतळे येथील दोन दिवसांपासून बेपत्ता असलेली पल्लवी समाधान पगार (१४) हिचा मृतदेह घराशेजारील विहिरीत तरंगताना आढळून आला. रक्षाबंधनाच्या दिवशी घडलेल्या या हृदयद्रावक घटनेने सर्वत्र हळहळ व्यक्त होत आहे.

खडकतळे येथील पल्लवी पगार गुरुवार (दि. ७) ऑगस्ट रोजी कोणालाही न सांगता घरातून बाहेर पडली होती. परंतु ती घरी परत न आल्याने तिचे कुटुंबीय व नातेवाईकांनी परिसरात तिचा शोध घेतला, परंतु तिचा तपास लागत नसल्यामुळे अखेर देवळा पोलिस ठाण्यात हरवल्याची तक्रार दाखल करण्यात आली होती.

दोन दिवसांच्या शोधानंतर शनिवारी दि. ९ रोजी घराशेजारील विहिरीत तिचा मृतदेह आढळला. घटनेची माहिती गुन्हा दाखल मिळताच पोलीस पथकाने घटनास्थळी धाव घेतली. मृतदेह विहिरीतून बाहेर काढून देवळा ग्रामीण रुग्णालयात शवविच्छेदनासाठी पाठवण्यात आला. पल्लवीच्या आत्महत्तेस जबाबदार असणाऱ्यांवर झाल्याशिवाय शव ताब्यात घेणार नाही, अशी भूमिका नातेवाईकांनी घेतली होती. त्यामुळे तणाव निर्माण झाला. उपविभागीय पोलिस अधिकारी किरण कुमार सूर्यवंशी, पोलिस निरीक्षक सार्थक नेहेते आदींनी नातेवाईकांची समजूत काढून संशयितांवर कारवाई करण्याचे आश्वासन दिल्यानंतर नातेवाईकांनी पल्लवीचे शव ताब्यात घेतले. शवविच्छेदनानंतर खडकतळे येथे तिच्यावर अंत्यसंस्कार करण्यात आले. पोलिसांना पल्लविची सुसाईड नोट प्राप्त झाली असून त्या दिशेने पुढील तपास सुरू आहे.