शिर्डी येथे देव दर्शनासाठी जाणाऱ्या भाविकांवर काळाचा घाला..

विरुद्ध दिशेने येणाऱ्या भरधाव हायवा ट्रकची कारला धडक …

अपघातात दोन जागीच ठार तर पाच गंभीर

अंबड तालुका प्रतिनिधी :- धुळे सोलापूर महामार्गवरील बारसवाडा पाटी जवळल घडली घटना: अबंड तालुक्यातील बारासवडा पाटी जवळ धुळे सोलापूर राष्ट्रीय महामार्ग वर
विरुद्ध दिशेने येणाऱ्या भरधाव हायवा ट्रकने समोरून येणाऱ्या कारला जोराची धडक दिली. या अपघातात परराज्यातील पती-पत्नी जागीच ठार झाले. तर पाच जण गंभीर जखमी झाल्याची घटना रविवारी मध्यरात्री 11:30 बारसवाडा पाटीजवळ घडली आहे.
याविषयी सविस्तर माहिती अशी की
हैदराबाद येथील कुटुंब देवदर्शनासाठी शिर्डी येथे जात असतांना कॅरेन्स गाडी क्र. टी. जी. 08 क्यू 0558 या कारने हैदराबाद येथुन 5 जण शिर्डीकडे प्रवास करत असताना धुळे सोलापूर महामार्गावरील बारसवाडा फाट्याजवळ विरूद्ध दिशेने येणाऱ्या येणाऱ्या विना नंबरच्या भरधाव हायवा ट्रक व कारची समोरासमोर जोराची धडक झाली. या धडकेत परराज्यातील पती -पत्नी
जागीच ठार झाले असून कारमधील पाच जण गंभीर जखमी झाले आहेत.

हा अपघात एवढा भीषण होता की जेसीबीच्या सहाय्याने मृतदेह बाहेर काढण्यात आले या अपघातात जी.रामू वय 42 वर्ष , जी. माधुरी वय 39 वर्ष दोघे. रा. हैद्राबाद जागीच ठार झाले असून श्रीवाणी 40 वर्ष, अनुषा 16 वर्ष , मेघना 11 वर्ष , ऋषिका 7 वर्ष, नागेश्वर राव 45 वर्ष हे गंभीर जखमी झाले आहेत. जखमींवर छत्रपती संभाजीनगर येथील खाजगी रुग्णालयात उपचार सुरु आहेत.
हा अपघात होताच घटनास्थळी स्थानिकांनी येऊन मदत कार्य सुरू केले. हा अपघात एवढा भीषण होता की कारमधील मृतदेह व जखमींना जेसीबीद्वारे बाहेर काढण्यात आले.